中央的戰略邏輯 (中央的戰略棋子之補充)

 
上一篇 "田北俊 中央的戰略棋子" (http://hkcitizensmedia.com/2014/10/31/strategy/), 可能太過著眼於田北俊, 所以寫多一篇補充一下中央既戰略.

補充 1: 中央的戰略邏輯
假如2017有假普選, 假設候選人是三個, 假設候選人只是分為親中或不親中, 會有以下組合
a) 親中, 親中, 親中
b) 親中, 親中, 不親中
c) 親中, 不親中, 不親中
d) 不親中, 不親中, 不親中

親中 = 盲目服從中央
不親中 = (有灰色地帶, 下面會講)

1) c 和 d?
因為 601 票在中央手上, c 和 d 基本上係冇機會.
2) a?
中央的計劃當然係 a. 但佔中後, 民眾已經覺醒, 如意算盤已被揭穿. 如果真是 a, 2017 會否有更多人上街? 當然, 中央仍然可以完全不理會香港市民, 照樣實行 a 計劃.
3) b?
如果中央希望安撫民心, 冇咁明目張膽, 會實行 b.

咁如果實行 b, 該名不親中人士會
b1) 反中
b2) 中立
b3) 親中

601 票在中央手上, 以上人士當然需要過中央果關.
b1) 沒可能過關
b2) 現在是中立, 點保證之後不反中. 中央咁謹慎, 會博?
b3) 呢個係最佳選擇, 但係點樣又 "不親中", 同時又 "親中" 呀?

到2017年, "好難" 有人可以是親中但扮不親中, 因為資訊發達, 又有外國勢力 facebook, 候選人既背景事跡大家都會知. 所以, 需要現在就開始部署無間道.
誰可以成為 "陳永仁"?
其中一個條件, A: 一直以來, 他唔可以太親中. (葉劉突然唔撐中央, 你會相信她嗎? 就如私煙換上黃絲帶, 你只會懷疑自己色盲.)
其中一個條件, B: 一直以來, 他唔可以太反中. (黎智英入閘, 大家只會認為黎智英已被收買.)
成為 "陳永仁", 其中一個條件是要在 A 和 B 之間.

計劃有機會成功係因為有一個灰色地帶, 就係 "不親中" 只需要是 "大多數市民認為他不會盲目撐中" 便可, 而不需是長毛, 黎智英, 泛民等人. "市民認為" 有很大的空間.
當然, 中央不會只預備一隻棋子. 但棋子必定是 "親中" 但又要 "看似不親中".

I will now recap in chinese, 中央只是要再一次蒙騙市民. 如果唔係, 依家就俾你真普選啦.
601票在中央手上, 整個假普選必定會預早計劃好. a 定 b3? 中央依家唔計劃, 唔通到時先算?

補充 2: 田北俊會成為特首?
中央不是要該棋子 (田北俊) 成為特首, 只需要充人頭.
中央既目的只係要安撫市民, 假普選唔係咁假架, 會有 "不親中" 人士入到閘架, 我地唔係蒙騙緊你地, 遲d係有真普選架, 不過要循序漸進囉.
如果市民成功被安撫到, 咁中央起碼可以拖多五年又五年, 冇2027都唔使再講冇篩選啦.

話明充人頭, 棋子越差越好, 不能成為特首就最好. 但因為入閘後是一人一票, 中央控制唔到, 所以棋子必定要是 "親中".

無間道只是入閘層面無間, 而不是特首層面無間.
因為成為特首後, 同梁生一樣, 係人係鬼, 人民必定知!


徐零@零觀點